ووووووووووووووووووووووووووووووووووووع يالقبح بالمادة
السلايدات أولًا و أخيرًا و بعدها تخطيط الدوسري و التجميعات
و يفضّل انكم تشترون ملخصات هدير لانها مرتبه و فيها ترجمه وفيها تخطيط الدوسري
و شرح المقبل تلقونه بالتلقرام
مشكلة المادة الوحيدة مصادرها كثير(سلايدز-تست بانك-تجميعات-تخطيط الدوسري) وكلها يجيبون منها بالفاينل جت من كل المصادر هذي عشان كذا اعطوها وقتها وبتصير سهله والقريد مضمون ان شاءالله وشريح اريج اعتمدوه فنانة
اسئلتهم تقهر اكون مذاكرة بالتجميعات ان الاجابة ترو ويغيرون صيغة السؤال بحيث تصير الاجابة الصح فولس، لازم تذاكرون بفهم وترا تركيزهم على السلايدات فانتبهوا اهم شي الفهم، المادة صعبة بس مقدور عليها
المادة مب صعبة بس لاني ذاكرتها متاخر جبت ذا القريد ولا يمدي تجي A
المادة ما اكتشفت انها سوالف الا قبل الفاينل بيومين، ذاكروا السلايدات ومخطط الدوسري والتجميعات ومبروك الA+
مع ان اختبارها كان وقته ضيق بين اختبارين بس كان سهل شوفوا شرح المقبل والتجميعات واموركم طيبة ان شاء الله
مقهوره اني خذيت هالقريد لاني ما عطيت الماده حقها تعتبر حلوه وسهله وممتعه مره مع شرح ممتاز شوفوا شرح اريج ونصيحه اول باول لا تراكمون لان هذي غلطتي شوفوا شرح السلايدز وافهموا كويس وتدربوا تست بانك وتجميعات
شوفوا شرح اريج والسلايدز الي فيها نوتسسس وبس
الماده موب صعبه مره بس تحتاج تاكل سلايدات فهم وحفظ اتكلم عن قسم البنات
المادة مب سهلة ولا صعبة متوسطة بس انا منب متكلم عن المادة باتكلم عن اسوء قسم فكلية الادارة الكويزات والميدات كل شوي تتاجل وفالنهاية خلو الميد بعد الادا بيوم والفاينل الاسئلة تتكرر فيه سوال تكرر لي ثلاث مرات!!! والمادة كلنا نفس الشيء بس مخلين كل دكتور يدف بكيفه يعني المقبل داف ٧ درجات انا دكتوري درجتين وبالموتت
ماده ثقيييييله ثقيله لأبعد درجة
اللي ناوي ياخذها اختياريه مدري حره ما انصحه اببد
لغتي ضعيفه نوعًا ما واذاكر قبل بأسبوع وييالله
كنت اشوف شرح اريج ومرات المقبل
تست وتجميعات سابقه
للأمانه تعبت تعبت فيها هالمادة مررره وكان ناقصني ثلاث درجات عالبلس وعطونا اياها بونس الحمدلله
الماده تبي تنجح فيها ؟ سلايدات+شرح اريج او المقبل + تجميعات سنوات سابقه
بالنسبه لي كانت سهله وممتعه مره مره اعطوها حقها بالمذاكره واموركم تمام ان شاء الله
الماده حلوه بس يبيلها مده تحفظين فيها لان اختصاراتها كثييييره وشوي تلخبط ف لازم تعطينها حقها بس بشكل عام حلوه و بالذات مع دكتورة اريج مررره تبسط الموضوع وتخليه سوالف و تربط له مره مره تسهل المادة الله يسعدها
الماده ابدا مو سهله وانا من النوع اللي يذاكر قبل بثلاث ايام بالكثير ويجيب اي بلس بس هذي ابدا ماينفع لها كذا ونصيحه اللي مايعرف انقليش ومايبي يدخل نظم ابدا لاياخذها قبل التخصيص عشان ماتخسفه خلها بعده+كلامي للبنات العيال كانو اسهل مننا بكثير
الماده ممتعه رغم ان مذاكرتها غثيثه حاولو تجيبون درجة مرا عاليه بالمد ولا تسحبون على شي ذاكرو سلايد وتجميعات وتست مشكلتها مصادرها كثيره وتسهل مع اللغه دخلت وانا A وطلعت بالقريد هذا خيبت املي بنفسي ماتنوصف والله … يعوضنا بالجاي
تبي قريد كويس؟ ذاكر كل مصادر المقرر؛ سلايدات، تست بانك، اختبارات سابقة
عليك بشرح المقبل والسلايدات والتست بانك يجيبون منه كثير والله يوفقكم
المادة متوسطة مب سهلة ولا صعبة اهم شيء سلايدات وشرح المقبل يسهل والتيست مهم
بس فيه مشكلة فالمادة انه كل دكتور له نظام واحد يدف ٧ درجات وواحد يدف قريد وواحد ما يدف شيء ياخي المادة موحدة يعني مفروض الدف موحد!!
الماده تعتمد على السلايدز بشكل كبير والمراجعه من التست بانك الماده بشكل عام حلوه بس يحتاج لها حفظ وفهم ويعطون بونس القسم مره متعاون
المادة سخيفة اللي يدخل الاختبار بدون مايذاكر السلايدز ويعتمد عالتجميعات والتست اكيد بينقص
ياليت ان دكاترة المادة يوضحون من البداية
الي شفته في هذي المادة ان الاسئلة كلها فهم من السلايدات يعني تابع شرح المقبل وخطط معه وسجل معه
وقبل الميد باسبوع خلك جاهز والفاينل كذلك عشان تلحق تراجع
مادة غثيثة الb+ ولا اسهل منه بس اذا تبي تجيب اعلى لازم تشد شوي
الماده تافهه والي يقولك تراها صعبه ومدري ايش ذا ما عند امه سالفه ياخي ذاكر قبل الميد او الفاينل بيومين او ٣ اذا انقليزيتك ضعيفه وخلاص ما يبغاله شيء….سلايدات وتحديد الاسطوره الدوسري واختبر نفسك تست بانك وصل الله وبارك
مادة حليوه اخذتها عند الغفن براتشه
مادة عند قسم العيال صعبة جدا وورقي خصوصا حتى الاسئلة وطريقتها جدا متعمقة عن نفسي ذاكرت الكتاب وشفت شرح المقبل وتيست بانك ومشت اموري
مادة ممتعه والمقبل سهلها اكثر بشرحه الله يسعده
المادة ممتعة شوي لو تركزون بشرح حلو تجيبون A+ بالراحة، انا ضيعتني الكويزز شوي ونزل معدلي
الميد كان سهل مرة للي مذاكر التجميعات وفاهمها مو بس حفظ
النهائي أصعب شوي كان يحتاج تركيز أكثر
رايد الحربي يناسس از ذا قووووت الله لا يضره ❤️🐐
ماده قريد وسهلها الاسطوره الدكتور رائد الحربي
والله المادة م تدري وش تبي بحياتك اقسم بالله م استفدت منها ولا حرف لا بحياتي ولا بدراستي مادة تعجيزيه فاينل تعجيزي وميد تعجيزي صعبه جدًا والله ولازم لغتك تكون كويسه مره والله يوفق الجميع
ك ماده سهله وحلوه والميد سهل بس الفاينل صعب كان فهم ابدا م جا من تست او تجميعات
من اسهل المقررات الي تمر عليك
المقرر موب صعب أبد ، كل اللي عليك ذاكر السلايدات + التست بانك + "الاختبارات السااابقة" وتمشي أمورك ان شاء الله ((ولاتحفظ أفهم))
مادة ما تدري وش تبي، ولا لها مصدر ودكاترها تحس أنهم يسولفون عن شيء ماله علاقة بالمادة كثر ماله علاقة في حياتهم الشخصية
الماده خفيفه بس خلوكم فاهمين اول باول ولخصوا السلايدات عشان تتبسط لكم + قسم البنات يكررون اسئلة التجميعات فركزوا عليها
يا اخوان المواد المشابهه لها نفس النظام اذا لغتك زينة بجيب درجات زينة اما إذا لغتك نص نص ولا ضعيفة مالك الا الترجمة وتشد على نفسك أول بأول وانا جايب C+ من التيست ولا تراني ضايع لأن والله حرام لو حولوها عربي كان شابهت السلم وارتحنا من الحفظ وطلعة الروح
العيب اللي سويته اني ماذاكرتها درس بدرس دخلت الفاينل مذاكر فصلين من أصل ٤ لضيق الوقت وانا
A+ طلعت بC+ هذا خصم على منتج ماهو دروب درجات هههههههههههههههه، المادة صراحة صعيبة شوي لكن مقدور عليها A
الماده غثيثه عانيت معها لان انجليزيتي مب مره والدكتور كان يقرا السلايدات مايشرح فاضطريت اعتمد على نفسي وطلعت ب A بطلعت الروح
الماده كلها حفظ وتعاريف من السلايدات وتخطيط الدوسري مقدور عليها وممتعه في نفس الوقت
ماده كلها حفظ ومعلوماتها كثيره لكن مقدور عليها
معلوماتها كثيرة يبيلها حفظ
ماده ليست متعمقه في الحاسب بل فقط مبادئ لاكن مصطلحاتها متعبه شوي خصوصاً للي انقليزيته ضعيفه
المادة جميلة مع أريج الحسن الله يسعدها ويوفقها، اعتقد اعطت الجميع أ زايد😔♥️.. المادة بالنسبة لي ممتعة بس احيانا وانا اذاكر يجيني غثا من كثرة الكلام، الجميل في المادة أن المواضيع مترابطة يعني يمديك تسوينها خريطة مفاهيم وتصير افضل واسهل في الحفظ موفقين👍🏻
