المقرر صعب خصوصا الميد الاول بعدها اسهل
الحل للاسئلة طويل شوي ولازم تكون مصحصح وانت تحل بس ابد مو صعب ومقدور عليه , اذا تعتمد على ندا ماعليك خوف باذن الله
اصعب ريض درستها لكن ابو يوسف مسهلها
مادة اشوفها تعتمد على اللي بيصحح لك اكثر من فهمك للمادة دور واحد يده خفيفه لان الحل طويل وبتغلط بنص الحل غلط تافه وتخرب عليك المسئلة
ما احطم ولكن الواقع لازم يقال الدجالين المقيمين انها مادة سهلة هم نفسهم الي الي يدرسون الرياضيات وانا مادري، اقسم بالله انها اغث ريض بالحل الطويل والميد الاول اصعب جزئية في المادة كاملة يجيب لك معادلة تفاضلية تحضر ندا وتشوف شرح باليوتيوب ويجي بالاختبار اصعب مسائل مع اني متدرب مره مره مره كويس يعني مادة مو قريد ابدا عدها وبس
أنا أشوف المادة كمفاهيم تعتبر متوسطة إذا استثنينا الجزئية الأخيرة لانها أصعب شيء بالمقرر
ولكن كحل فأنت وشطارتك لان المنسق حرفيا بيجيب كل الأفكار اللي درستها بالمقررات السابقة
المادة مقدور عليها مع ابو ندا واذا كان دكتورك يده خفيفة
ممتعه وسهله ومنفخوه زي ١٠٦ خذ مذكرة ابو ندا وابو عمر مع كتاب المنسق وحلها
المادة صعبه لكن يبيلها تذاكر اول باول وتمرس يدك على الحل، بتجي قبل الاختبار بأسبوع بتذاكر بتروح عليك خصوصا ان الاختبارات طويله ، الفاينل ٣ ساعات ولايكفي اذا ماكنت حال كثير قبل، طبعا مايحتاج نتكلم عن الاسطورة محمد ندا انصحك تسجل عنده
ابو ندا وشد حيلك بالميد الاول لأنه هو الاصعب الميد الثاني سهالات و للأمانة اختبارات المادة الترم ذا اسهل بكثير عن الاترام اللي قبل رغم ان المنسق نفسه
يبيلها وقت كل اسبوع تحل على الي اخذته من كتاب المنسق اهم شيء اخر المواضيع عطها حقها لان هي الي نقصتني
اصعب ريض مقارنة بكل الي تاخذه لكن التجربة تختلف من طالب لطالب اهم شي احرص على الدكتور وابو ندا
الماده صعبه ؟
ايه صعبه جدا لكن مو مستحيله ويمديك تطلع فيها ب a+
سجل عند ندا وتابع اول ب اول يرحم اهلك لا تجي قبل الاختبار ب أسبوع وتذاكر كل المحاضرات ممكن تضبط معك بالميد الأول بس ترا ماراح تضبط بالميد الثاني والفاينل الماده مره طويله
الصراحه امتع ماده لكن بنفس الوقت اغثهم لان كلها مره طويل افرج نص صفحه الى صفحتين ويمكن زود ف هذي سلبيتها وحلها انك تنزلها عند دكتور يده ريشه بالتصحيح لان احتماليه انك تغلط كبيره👍🏼
المادة صعبة لكن اختباراتها مقدور عليها المشكلة اذا نزلتها عند دكتور تصحيحه دقيق بزيادة
الصدق امتع ريض لكن اغث ريض كحل متعبه بشكل مو طبيعي والحل طويل
مادة صعب تعديها وانت عندك مشاكل مع التكاملات لان كل الاسئله فيها تكاملات بالنهاية
بشكل عام الماده بتاخذ منك جهد كبير ووقت
بس حاول تنزلها عند دكتور محترم بالتصحيح لانك بتعاني لو نزلتها عند دكتور يده ثقيله
مقدور عليها بس المادة تحتاج جهد ومذاكرة اول باول، ولا تعاملها زيها زي اي ريض هذي تحتاج شدة شوي، مشكلتها تكمن بان الحل طويل جدا وممكن تنسى انت ليش طلعت بعض المعطيات من طول الحل وبعض التكاملات ممكن تكون ناسيها، موفقين جميعا
سهله والله بس الطلاب يشتكون من التكاملات لانهم نسوها انا خذيتها ع طول بعد ١٠٦ علشان م انسى التكاملات ولكن وقيان تصحيحه الفترة الماضية
المادة صعبه وطويله جدا لكن مهم مره انك تاخذها بدري عشان ماتنسى التكاملات والاشتقاقات والعلاقات، ومهم انك تاخذها عند محمد ندا وتدرسها اول باول يعني كل يوم او يومين تاخذ مقطع لمحمد ندا، الميد الاول كان سهل والثاني وسط والفاينل كان سهل، اهم شيء بهالماده الدكتور يعني لو تنزل عند مباريز بتختصر واجد مثل الحضور ماتحضر والتصحيح مو طبيعي
سهله لكن على كثر ما تعطيها ما راح تعطيك
توقعت بتكون اصعب من كذا من تهاويل الطلاب
امتع ريض بتدرسها بس كمنهج اتوقع هذي ادسم واثقل ماده بتمر عليك يعني مستحيل تطلع بقريد حلو اذا ماذاكرت لها من اول اسبوع
المادة مو مره صعبه مشكلتها بالفاينل فلذلك انت اضمن اعمال السنه ونزل عند دكتور سنع مثل شايع والباقي سهالات اهم شي انك تعطي الماده حقها، افكارها بسيطه بس انها طويله تاخذ وقت وركز على الاختبارات السابقه
نزلها عند دكتور كويس شايع او بونخل ويمديك 60/60 اعمال سنه بعدين الفاينل الله يعينك المنسق حقها مب طبيعي يتفنن لك في الفاينل
المادة مقدور عليها، اعمال السنة سهل انك تجيب 60/60 فلا تضيعها، لكن الفاينل لازم تكون لام المنهج قبل الاختبار باسبوع عالاقل، والى وقت الاختبار تمسك اختبارات سابقة، سالفة ان يبقى عالاختبار ثلاث ايام وانت باقي ماخلصت اخر شابترين ماينفع،
موفقين
صحيح أن المنهج طويل ولكن المادة سهله إذا عطيتها من وقتك، لا تضيع درجات أعمال السنة حاول تدخل ب 60 لأن الميد يعتبر تافه جداً والكويزات حسب دكتورك، الفاينل هو الصعب دائما فتجهز له. في المد جبت 29 لكن بالفاينل خلها مستوره.
بالنسبة لي اشوفها رياضيات عادية + نزل عند الدوسري ولو ان تصحيحة في الميد ماهو بذاك الزود الا انه تجمل في نهاية المطاف
مهب صعبة لكن يبيلك تذاكرها من بدري لان افكارها كثيرة
المادة والله مقدور عليها لكن يبيلها وقت نزلها مع مواد سهله
الماده الصدق صعبه و اختباراتها لفل ثاني بس يبي لك تحط 200% من جهدك عليها عشان تطلع بقريد لا بأس به
ماده اسهل من 106 و 205 بمراحل اشوف افكارها بسيطه بس مرررررهقه لان الحل ياخذ وقت كبير ومجهد لك فكريا يعني ممكن على سؤال واحد تقعد 15 الى 20 دقيقه والحل طووويييل نصيحه تدرب كثير واضمن اعمال السنه الفاينل بيجيك صعب لان الصعوبه في الوقت ضيق على طول الحل
صراحة المادة يبيلها حقها ونصيحة خذها بوقتها عشان ما تنسى التكاملات والاشتقاق وتلقم
ماده محتواها طويل لاكن مو صعبه اهم شي لا تراكم الدروس
ماده لازم تذاكر اول ب اول وتضمن اعمال السنة لان الفاينال صعب وطويل... غير كذا احتمال تحذفها
والله ماده موب سهله لكن مقدور عليها اذا اول باول غير كذا لا تسلك بعمرك جزئيه الميد موب صعبه حاول تضمن فيها اكبر عدد ممكن من الدرجات لان جزئيه الفاينل طويله وغثيثه وموفقين جميع يارب
للامانه الماده طويله لاكن محتواها مو صعب
المادة طويلة جداً لو بيدي خليتها على كورسين، يبي لها شغل أول بأول ونصيحة لا تضيع درجات اعمال السنة لان جزئياتها بسيطة والفاينل صعب ، واللي يجيك بالميدات والكويزات غالباً ما يجي بالفاينل، صعوبة الاختبارات تكون في نهاية الحل توصل عند تكامل صعب وتتوهق لذلك نصيحة راجع ريض 106 ضروري
اصعب مادة بريض متعبه بشكل مب طبيعي الفاينل اخذت دفترين عشان يكفي الحل يبغالك تمارسها الفين مرا عشان تجيب قريد مقبول
صحيح ان جبت فيها قريد ممتاز بس اشوفها اصعب ماده من مواد الريض وحلها انك تتدرب كثير وتحل جميع الاختبارات السابقة
المادة باختصار تشق شق بالاختبارات و حلها اطول من حياتي عادي يجيك سؤال تحله بصفحة.و نص صفحتين مادة غثيثة
اسهل من ١٠٦ و ٢٠٣/٢٠٥ بس اختباراتها متبعة
مثل اي ريض قبلها حل بيدك كثير اول بأول وامورك تمام
وحاول تضمن جزيئة الميد لأنها سهلة
الماده تعتبر متوسط و مثل اي ماده ريض تعتمد على التدريب لكن مشكلتها في الجزء بعد الميد الحل يصير اطول و الخطوات اكثر
سهلة افكارها مقارنة ب٢٠٣ بس حلها طويل شوي
الماده تعتمد على ريض ١٠٦ وصعوبتها ايضا في ١٠٦ اما في الافكار اعتقد انها سهله
نصائح:
ما يكفى النظر الى طريقة الحل مرن يدك سهل تجمع لاعمال السنه ولكن الفاينل طويل ومافي وقت
الماده صعبه والله يمديك تعديها على حسب الاختبارات يا تسلك معك يا تقطع شعرك
الماده عيبها مليانه ولا افكارها مقدور عليها ، اهم شيء اضمن الميد لان جزئيته الابسط بالماده
المادة ممتعه جدًا لكن طويله، اذا تبي قريد اهم شيء تشتري مذكرة ندا وتذاكر اول بأول بعدها تمسك الاسئلة السابقه، اضمن لك باذن الله قريد عالي.
المادة لو تسجل مع ندا بتفهمها بسهوله لكن مشكلتها اختباراتها صلخ
جلدنا بالميد وتوقعنا يسهل بالفاينل وجلدنا مره ثانيه
المنسق سعيد مسلوب
