المادة من اسهل المواد كمحتوى وانت تذاكر تقول حرام انقص عن A+ بس مافي الا دكتور واحد الي هو نجيب يخليك تدور نجاح اذا تغير حرام تنقص درجة
بنات عطوها حقها مرررا هي و٢١٠ وكمي ٣٠٧ وان شاء الله تاخذون اي بلس
وادرسوا من كل المصادر الممكنة وبس
معليش العيال عندهم مره مسهلينها لكن حنا تدرسها د.اديبه مصعبه الماده الماده نفسها حليوه لكن عند اديبه متوسطه وتحتاج تركيز مرره
المادة مهم فيها الفهم لان صيغه المعلومة ممكن تتغير ١٠٠ مره
المادة حلوة بس دسمة و اشياء بسيطة تغير المعنى كامل
يبيلها تركيز و تدريب للعملي كثير
مشروعها سهل جدا
نصيحتي لك عزيزي الطالب بغض النظر عن القريد وان الماده محتكره من قبل نجيب ، الماده مهمه جداً جداً جداً ولازم تفهمها عشان تتيسر امورك في باقي المواد وتحديداً في آخر تشابتر الفيوتشر والاوبشن سلايدات الفيل مهمه جداً للفهم والاستيعاب لانك ماراح تفهم شي من الدكتور نجيب ، كل التوفيق يارب
والله مقرر سهل وخفيف ومع ذلك مهم جدًا، اتوقع مايدرسه الا نجيب فيمكن تعانون شوي لكن المادة بذاتها مو قلق مرة وتوزيع الدرجات (30) مدّين، (10) كويزات عن بعد (20) واجبات. وبالغالب كلها مايبيلها شيء وبالجيب بس المدات يبيلك تعطيها حقّها شوي مع انها سهلة إن شاء الله.
المقرر جدًا حدًا مهم لطلاب المالية يعني إذا جيت تدرسها حاول تستفيد منها اكثر من انك تطلع بقريد مع الأسف الي يدرسها نجيب مب طالع منه بفايدة يبيلك تدور مصدر خارجي لان المقرر مب سهل يحتاج فهم بذات مع اسئلة نجيب
المادة متوسطه ومع المسهر صارت صعبه يبيلها شغل شغل شغل وتستهلك منك ناهيك عن انها مابتتعاون من ناحية الدرجات
المادة متوسطة الصعوبة بس كانت جدا ممتعة ومفيدة مع الاسف د.نجيب هو الي يمسكها بالعادة هو جيد بس كنت أتمنى يمسكها احد ثاني الاختبارات تعتمد على الفهم، نصيحة فيه سلايدات عليها فيل لازم لازم تذاكرون منها جدا خورافية عليها نوتات وشرح اضافي الله يجزا الي سواه/ا الف خير. صراحة السلايدات تكفي ٨٥٪ من المنهج مع النوتات هذي صارت تكفي ١٢٠٪
خذيتها مع أديبة تجنن
المهم ركزوا بالشرح وحلوا الليرن سمارت والواجبات بتركيز وافهموا مو تحلون وبس وفالكم الA+
أصعب ٣ مواد بقسم المالية (مشتقات مالية، نمذجة مالية، مال ٢٣٠)، المادة من ناحية الجزء العملي تقدر تجتهد و أسئلته مو ذاك الكثر، أما بالنسبة للنظري فالكتاب بحر و على دفعتي ما جابوا من التست بانك أي سؤال و كانت أسئلة جديدة و صعبة إلى حد ما،
المادة صعبة و لازم تعطيها اكثر من حقها بالمذاكرة لانها تاخذ وقت و طريقة الأسئلة ممكن تعقد السؤال أكثر، عطيتها حقها و جبت C+ و مع ذلك ال ب+ و فوق مو مستحيلة لكن صعب جدًا.
