والله انها كانت رعب وكنت اعتبرها مطب ونزلتا ايام الشويعر يوم كان رئيس القسم لكن الآن صارت بسيطه وبعلمك الخلطه اللي بتخليك تجيب فيها قريد حلو مثل ما انا جبت ، اولاً الله يرحم والدينك ذاكر من الكتاب نصيييييحه الكتاب هو مفتاحك وتراه بسيط وافضل من السلايد ، بعدها تروح تشوف شروحات سليمان للستدي وتتمرن ، ثالثاً وهي اهم نقطه انك (تتعلم حركه مجهول X بالحاسبه ) هاذي اللي انقذتني بالميد لانه الميد شوي تركات والفاينل كان جداً جداً تافه وسهل ومباشر عكس الميد اللي كان صعب ، كل التوفيق ياشباب.
الماده يبيلها مذاكره من قلب ولازم تفهمين كل قانون زين بالذات بالميد لانهم يجيبون اسئله مع معطيات كثيره ومو شرط تستخدمينها كلها يبون يعرفون مين فاهم، الدكتور سوا لنا مراجعه وحل معنا ملف بس الملف يمين والاختبار يسار وبالنسبه للنظري اسئله واضحه وبعضها تكون من قوانين يعني مثلا اذا زاد هالشي الثاني وش يصير له فلازم تحفظين كل القوانين عشان تعرفين العلاقات بينهم
تحتاج تدريييب
والمذاكرة من جميع المصادر لأني سحبت على السندي بلان واتوقع هذا سبب النقص
اشوفها نفس مستوى ونظام 200 مال ،الميد متوسط يميل للصعوبه الافرج حق شعبتنا كان ٢١ من ٣٠ ، اما الفاينل سهل مره، بشكل العام الماده حلوه ممتعه واشوفها من اهم المواد في المستوى الخامس
المادة ثقيلة و تحتاج وقت بس مقدور عليها بس تحتاج تركز عليها من بداية الترم و شوف لك مصدر تذاكر منه غير القحطاني مع ان الدكتور متعاون بس شرحه مب ذاك الزود و شوف شرح الستدي حق قوت المالية سليمان
إذا بتذاكر أول بأول بتمشي أمورك ما راح تذاكر اول بأول بتكون هذي المادة كابوس الترم
خلصت المادة ولا أدري وش الطريقة للمذاكرة لها
هذي اكثر مادة بيخوفنك منها العالم اكثر مادة مبالغ فصعوبتها هي بين الوسط والصعب بس مهب تعجيزية ابداً النظري اكتفيت بالساماري والكتاب احطه فتشاتgpt وهو يشرحه لان ما كان عندي وقت والحمدلله ضبطت والعملي للاسف شرح الدكتور عبارة عن سلق فسحبت عليه وما شفت الا المراجعة وعندك القوت عمي وعم عيالي سليمان شرحه للستدي مهم جداً يخليك تفهم العملي وجت اسئلة مب كثيرة نسخ لصق من الستدي بس الناس مضيعين الميد عطه ٣-٤ ايام والفاينل نفس الشيء اذا عندك وقت اكثر طبعا افضل
هذي طريقتي بدون مذاكره اول باول
اول شي الميد كان بالفصل ٢/٩/١٠
بمعنى انك تحتاج ٨ ايام مذاكره لهذي الفصول
لان ٢ دسم ١٠/٩ لهم علاقه ببعض
تشوف شرح القحطاني وتفهمه زين بعدها
اول شي النظري كله من تعاريف الكتاب * التمارين كلها من سلايدات الي هي نفسها تمارين الكتاب لكن السلايدات التمارين فيها اكثر
ومراجعة القحطاني مهمه مهمه مهمه
والتست اهم شي ماعليك من الستدي *اذا كان اختباركم ورقي
ليه الستدي اشوفه مو مهم لان الميد حقنا ١٤٤٦ ماجا منه ستدي وماذاكرته بالفاينل واكتفيت بتمارين الكتاب وتست
الماده سهله اذا مشيت على النقاط هذي :
١-المذاكرة اول بأول مع خطة عمي الدكتور سلطان القحطاني
٢-التدريب على الستدي بلان بعد ما تخلص المحتوى النظري سواءً عن طريق محاضرة الدكتور او عن طريق الكتاب
قبل الاختبار :
١- مراجعة الستدي بلان
٢-تشوف محاضرة المراجعه حقت عمي ودكتوري سلطان القحطاني
٣-تشوف الsumary حق كل نهاية فصل
انتهينا.
المادة سهلة كافكار وممتعة جدا للماليين، بس تحتاج مذاكره اول باول.
المادة ممتعة تجمع بين المحاسبة والمالية لكن الله حق دسمة بس مقدور على اي بلس بسهولة
جربت اخذها بوقت الشويعر وبوقت الجربوع
الفرق مب طبيعي وتسهلت المادة شكل كبييير الفاينل والميد صاروا اسهل
المفتاح في هذي المادة انكم ((((((تذاكرون لها اول باول )))))))
بنات المادة لازم تعطونها حقها تقريبًا نفس مال ٢٠٠ بس احس اخذت مني جهد اكثر وهالكلام مو معناته المادة صعبة بس من البديهي انها تحتاج وقت للمذاكرة ومرا مهم تشوفون مراجعة سلطان القحطاني الله يسعده وتدربوا كثييير على الستدي بلان قد ما تقدرون وادرسوا من كل المصادر وبس بالتوفيق
الماده مب سهله لكن الفاينل كان سهل جدا و حقين المحاسبة مستواهم لك عليه ويحبون يفلمون
المشكلة لو تشوفين الماده متوسطه الصعوبه لكن كثرت القوانين شي يخوف فوق هذا عندك اداره يتحدونك ف الاسئله شي مستفز وخذوها قاعده اذا جابو ميد سهل يعني فاينل اعجازي والعكس صحيح مرات أقول الحمدلله ان صعبو الميد عشان الفاينل كان جدااااا سهل بس كنت اوردي انخسفت يعني ماده قولي ي رب السلامه بس
المادة غثيثه و قوانينها كثيرة جداااا ومنعوا ورقة القوانين والاكسل
توزيع الدرجات سيئ و اغلب الدفعة خافوا يحملونها وحذفوها
نصيحتي ذاكروها اول ب اول و احفظوا القوانين صم
صراحه الشرهه على القسم الي يخلي مادة مهمه بالتخصص وسوق العمل زي هذي اون لاين مدري كيف يفكرون
الماده المفروض انها ماده A+😂 غير انه مافي ورقه قوانين ولا اكسل الفاينل حقهم خمسين درجه بثلاثين سؤال ماعرف ليه هالتعقيد الواحد يدخل الفاينل ب a ويطلع خايف يحملها ؟؟
والله مادة قلق بس يشفع لها أن الدكتور سلطان القحطاني يدرسها، الفاينل من 50 والسؤال عليه 1.67 ! الميد 30 وماكان صعب بحكم ان فصوله بسيطة، الباقي كويزات وستدي بلان تجي ببلاش مع شوي جهد. المادة ممتعة بالبداية بس فيه بعض النقاط اللي تغث ببعض الفصول.
تحتاج جهد ووقت ودكتور فاهم وتدرررررريب النهائي مهما قالوا لكم الاساله بالتساوي على كل الفصول غير صحيح اغلب التركيز على الفصول الاخيره وظلم ٥٠ درجه على ٣٠ سؤال كل ٣ اساله قريد ولا تتوقع بيسهلون ، تدخل A+ تطلع تدور الستر
مصعبين المادة مدري ليه تخش الميد تقول اكيد هداهم الله فجأة تخش الفاينل عاطبينها ومصعبين الاسئلة على غير سنع !!! وتوزيعها يمرض 50 درجة على 30 سؤال وكل سؤال 1,67
المادة المفترض تكون سهله بس من بعد نظامهم الجديد تكرهك بالمادة والتخصص وبكل شي تصعيب المادة على الطلاب مارح تنفعك ولا تنفعهم مارح ترفع من مستواهم مادة وحيده هذي لعبت بمعدلي ماقدر اقول الا الله يهديهم ويسخر هم
تغيرت عن كل الاترام وصارت كارثيييية
عندك الكتاب
سلايدات
تيست
ستدي
وانت وحظك الاختبار بيجي من وحده منها وكلها كثييره ونسالهم عطونا مصدر معين نثبت فيه المعلومه يراوغون فالاجابة ويتهموننا اننا ما نذاكر
الله يعينكم
اذا هجت معك فالمادة حاول تعديها باقل الاضراار
تغير كل شي اختبار من القسم يختلف تماما عن كل المصادر اللي تذاكرها
مادة A+ بس بسبب تغيرهم للنظام الاغلب لقم هذا الترم حسبي الله
ذاكروا من السلايدز حفظ وفهم
المادة سهله بس بعصوها باسالتهم وتغيير نظامها الله يقلعهم
اسهل من بيرسون بس لازم تعطونها حقها
المادة بعد ما شالوا اختباراتها عن بيرسون اشوف انها ممتعة جدا وسهلة ومنطقييية وتدرسينها وانتي مستمتعة، تعتبر مادة مهمة ومعتمدة على مواد كثير بتخصص المالية اتمنى تبقى على هالنظام ماترجع لبيرسون لان طلعنا منها فاهمين كويس
المادة أصعب من مال ٢٠٠ و خصوصًا شابتر ٩ و سؤال ٣٣ اللي يكون دايم البونص و لكن ما منه فايدة لأنه جدًا صعب و طويل، المادة متوسطة الصعوبة و تقدر تجيب أ اذا عطيتها حقها و اكثر.
الشباتر اللي واجهوا الطلاب فيها صعوبة هي شابترين ٩،١٠ و هي أيضًا من جزئية الفاينل.
